Bugun jonajon O'zbekistonimizning hamma o'quv dargohida maktablarda "Birinchi qo'ng'iroq" tadbirlari bo'lib o'tdi.  Shu jumladan bizning "Dehqonobod" mahallasida joylashgan 11-umumiy o'rta ta'lim maktabida bu tadbir keng nishonlandi. Bu yil maktabimizda 100 nafar yigit qiz birinchi sinfga qabul qilindi. Ota onalar ishtirokida prezident sovg'alari topshirildi. Sinf xonalari bayramona bezatilib, o'quvchilar uchun taxt qilib qo'yildi. Maktabning jajji o'g'il-qizlari ishtirokida bayram tadbiri bo'lib o'tdi. Tadbirda ota onalardan vakillar, ichki - ishlar xodimi, maxalla faollari qatnashib xammani bayram bilan qutladi. Birinchi dars maktabining har bir sinfida ma'naviyat soatlari "Yangi hayot uchun yangi O'zbekiston uchun" shiori ostida olib borildi. 11-maktab jamoasi bu yilgi yangi o'quv yilini o'zgacha ko'tarinki ruxda boshladilar.